MENY

ishavsmuseet_aarvak___logo.png

Julemesse på Ishavsmuseet 17. og 18. november

Laurdag ope kl. 11-17 Søndag 12-17

Årets julemesse har heile 54 utstillarar med salsstandar over 4 etasjar, og kring Aarvak, som byd på mykje spanande mat– og handtverksprodukt.

Sikre deg knalltøffe heimelaga julegåver og god julemat!

Sal av middag, smårettar, kaffi og kaker i museumskafeen.

Gratis inngang!

program_messa_2018.pdf
|

Polarkveld fredag 2. november kl. 19.00

levende_isbj_rn_ombord_i_aarvak.jpg

Fangst av levande isbjørn.

 

Komande fredag rundar Ishavsmuseet  av ein lang sesong med polarkveldar. Denne gongen er det Burny Iversen som kjem på vitjing med foredraget: «Fangst og sal av levande isbjørn». Iversen har studert denne historia lenge og skaffa seg godt oversyn over historia om fangst på levande isbjørn frå slutten av 1800- talet og heilt fram til isbjørnen vart freda i 1973. Til Ishavsmuseet kjem Iversen med glimt frå handelen med levande isbjørn, og deira skjebne i sirkus og zoologiske hagar. Kven selde? Kven kjøpte? Kven trena dei? Og kva blei dei trena til?

Burny Iversen kjem frå Elverum, er fotograf, og har jobba som fotograf på Glomdalsmuseet, og har stor interesse for dei polare områda. Medan nokre pensjonistar dreg til Spania og nyt varmen, vender Burney Iversen nasen til Svalbard på jakt etter det gode fotomotivet. Isbjørn er eit naturlig motiv for ein fotograf på Svalbard, og han har fått fleire blinkskot av desse dyra under sine mange besøk dit.

Han har samla eit imponerande materiale av gamle postkort, fotografi og sirkus-program, som dokumenterer den verkelegheita isbjørnen møtte på vegen frå kvit villmark til livet i sirkus-manesjen, på turnear og i zoo.

Temaet burde vere av interesse for mange på Sunnmøre, og enno er her mange som har vore med på å fange levande isbjørn. Det går mange ville historier i miljøet på våre kantar om isbjørn som var tekne med heim levande og stod i bur på sjøbuene i påvente av sal. Nokre av dei klarde å slå sunde bura og rømme anten ved å hoppe på sjøen, eller ein kunne møte dei traskande rundt på sjøbuplattingen og jamvel på kaia når ferja la til. Ikkje rart då at folket som kom med bussen frå Larsnes kvidde seg for å ta ferja frå Brandal…

Alt i 1900 kom dei første levande isbjørnane til Brandal. Dei vesle skøytene «Minna» og «Havfruen», begge på rundt 56 fot, hadde det året med heim 10 levande isbjørnar. (og 70 døde). Før dei kom heim til Brandal hadde dei utstilling i Ålesund med levande isbjørn og moskus, og då Ålesund by skulle feire jubileum i 1948 hadde ei av skutene her i oppdrag å ha med heim ein levande isbjørn som skulle stillast ut under byjubileet.  Å ta med levande isbjørn heim var heilt vanleg når mannskapa hadde sjansen til det, og det kunne vere ei kjærkomen ekstra inntekt om selfangsten var laber. I 1902 kunne dei få heilt opp i 500 kroner for ein levande isbjørn, samstundes fekk dei betalt 36 øre for eit selskinn, og om lag det same for spekket.

Etter foredraget til Iversen vert det som vanleg servering av middag i kafeen, og denne kvelden står det sel, sild og supe på menyen, i form av kjøtkaker av selkjøt, sildekake og mjølkesuppe. Påmelding for mat.

|

Kunstutstilling

petter_kunst.jpg

Petter Liavåg har utstilling med kunst av Hermod og Jon Riise i konferansesalen i 2. etg.

 Utstillinga er opa frå torsdag 18. oktober til søndag 21. oktober kl. 12-16

PolarkveldFredag 12. oktober kl. 19.00.

 

Forfattar Alexander Wisting held foredrag om polfarar og kaptein Otto Sverdrup.

Alexander Wisting er forfattar, regissør og film- skapar. Han har laga seriar og dokumentarfilm for TV og kino i Norge og internasjonalt. Han er oldeborn til Oscar Wisting, som saman med Roald Amundsen var først både på Sydpolen- og over Nordpolen. Wisting har tidlegare skreve biografiar om både Roald Amundsen og Hjalmar Johansen.

Etter foredraget vert det servert middag med klippfisk og godt tilbehør i kafeen på museet.

Billett foredrag og middag kr. 300,- kun foredrag kr. 125,- Påmelding for middag.

|

Polarkveld fredag 14. september kl. 19

90 år sidan Amundsen kom vekk.

I juni 1928 reiste Roald Amundsen frå Tromsø med flyet «Latham» i eit forsøk på å finna Umberto Nobile, som var sakna i polområdet. Medan Nobile seinare blei funnen, forsvann flyet og Amundsen. Kva som skjedde er framleis ukjend. Berre to vrakdelar er funne, fiskebåten «Brodd» av Hareid fann ein flottør frå Latham i 1928, og ein reknar med at flyet havarerte nær Bjørnøya. Det er framleis ei gåte kva som skjedde med den erfarne polfararen, men det manglar ikkje på teoriar.

Det er Hallvard Holm som gjestar oss med foredrag om Roald Amundsen og Amundsen si forsvinning.  Amundsen er av våre fremste polarheltar og var som kjent første mann på Sørpolen. Han var også truleg den første som såg Nordpolen då han flaug over med luftskipet Norge i 1926. Andre hevda å ha vore der, men framleis finnest ikkje sikre bevis på dette. Under førebuingane til flyekspedisjonane i 1925 og 1926 budde Amundsen i gruvebyen Ny-Ålesund, som nett då hadde skifta namn frå Brandal City. Her budde han og vart godt kjent med mykje Sunnmøringar med direktørane Peter S. Brandal og Michael Knutsen i spissen. Amundsen fekk disponere direktørboligen til desse karane, og no i seinare år har denne fått namnet Amundsen-villaen.

Hallvard Holm er fødd og oppvaksen på Hareid. Etter 28 år som rektor og skulesjef på Svalbard, flytta Holm til Drøbak hausten 2002. Han er no pensjonist og har som hobby mellom anna å reise, samle polarlitteratur og å halde foredrag om Svalbard og om våre to største polarheltar, Nansen og Amundsen. Dessutan har han i fleire sesongar vore guide og gjesteforelesar på ekspedisjonscruise om bord i fleire norske og utanlandske fartøy både langs Norskekysten, i Kvitsjøen, rundt Svalbard og Jan Mayen, og både på Aust- og Vest-Grønland.

Holm har heldt fleire kurs i lokalhistorie i Longyearbyen og har dei siste åra hatt som hobby å holde fordrag om Svalbard, Nansen og Amundsen. Han var tidlegare aktiv med hundespann og villmarksopplevingar, og begynte tidleg som guide på Svalbard. Han har også dei seinare åra vore med å laga mykje videodokumentasjon om Svalbard si historie.

Hallvard Holm fortel at han under oppveksten på Hareid nærast vart opplærd til at Amundsen ikkje var nokon hyggeleg person. Eit syn han har måtta endra i vaksen alder. -Eg har stor respekt for Roald Amundsen, seier Holm i dag. Dagbøkene frå deltakarar på ekspedisjonane, særskilt til Sørpolen, fortel om ein hyggeleg og svært dyktig mann. Truleg den dyktigaste på planlegging. Også Hallvard Devold i boka «Polarliv» skryt mykje av Amundsen.

Holm har alltid hatt interesse for det polare og har fordjupa seg i denne fasinerande historia.

-Eg har ei stor samling av polarlitteratur, ei samling som stadig veks etter besøk i «all verdens» antikvariat, seier Holm.

Etter foredraget til Hallvard Holm på Ishavsmuseet denne fredagskvelden vert det servert bacalaobuffet, kvit og raud, med godt tilbehøyr i museumskafeen. Påmelding for middag. Velkomne!

|

Polarstar 70 år!!
Fredag 31. august kl. 19.00

img_1239.jpg

Ishavsskuta Polarstar fyller 70, og jubileet vert feira ved Ishavsmuseet under Brandalsdagane 2018.                       

POLARSTAR 70 ÅRS FEIRING 31. august til 2. september

Fredag 31. august kl. 19.00. 

Ishavets Grand Old Lady fyller 70.  Foredrag om  jubilanten av Gunnar Myklebust. Helsingstalar.

Med i programmet er også Tage Pettersen, medlem Familie og Kulturkomiteen på Stortinget, Svein Harberg, Stortingets delegasjon for arktisk parlamentarisk samarbeid, Parlamentarisk nestleiar Høgre og tidlegare leiar av Familie og Kulturkomiteen, samt Ordførar Anders Riise, Martin Karlsen og Willy Nesset.

Etter programmet vert det 2 retters middagsservering:

Krema blomkålsupe med sprøsteikt bacon og heimebaka focacciabrød

Entrecôte med omnsbakte amandinepotet, steikte grønsaker og peparsaus

Førehandsbestilling på middag: Tlf: 700 92 004 SMS: 95 11 76 44 E-post: post@ishavsmuseet.no

Billett foredrag og middag kr. 350,- Kun foredrag kr. 125,-

|

Polarstar 70 år!!
Laurdag 1. september

the_harmonies.jpg


Polarstar og Ishavsmuseet ope kl. 11-17

kl 12-16 Rjomegraut i kafeen på Ishavsmuseet

kl 20.00 Bacalao og stor tapas buffet.

70 års dans med «The Harmonies» med Jan Brandal, Marianne Karlsbakk og Jonny Johansen utetter kvelden.

Førehandsbestilling på bacalao og tapas: Tlf: 700 92 004 SMS: 95 11 76 44 E-post: post@ishavsmuseet.no

Billett bacalao, tapas og dans kr. 350,- Kun dans kr. 100,-

|

Kaptein Ishav er tilbake!

Familieshow med den barske 120 år gamle Kaptein Ishav, Ishavsmuseet søndag 2. september kl. 15.00

Polarstar 70 år!

Polarkveld med foredrag, helsingar og middag, fredag 31. august frå kl. 19.00

Ishavsmuseet 1. mai

img_1307.jpg

Velkomne til Ishavsmuseet 1. mai.

Vi serverer kjøtkaker laga av selkjøtt, kaffi og kaker kl. 13-17

Polarstar vil ligge til kai ved Ishavsmuseet, open båt 12-16.

|

Polarkveld med foredrag og boknasild, fredag 20. april kl. 19.00

Fangst og ferie på 80 grader nord

utanfor_hytta.jpg

Marit Karlsen Brandal kjem til Ishavsmuseet fredag 20. april med foredrag og bildar frå eit år på Gråhuken.

Marit og Steinulf Smith-Meyer overvintra i ei gamal hytte på Gråhuken nord på Svalbard i 1982-83. Dei pakka utrustning for eit år, og hadde også med seg hunden Rabben.

I mørketida dreiv dei revefangst på tradisjonelt vis, og mesteparten av tida dei var der hadde dei hyppig besøk av isbjørn. I den lysare tida dreiv dei også jakt på sel og beredte selskinn på same måte som eksimoane har gjort det i alle år, og sydde seg klede av selskinn.

Mange besøkande  kom innom hytta deira i den lyse tida, både med båt og helikopter. I foredraget sitt fortel Marit om fleire interessante besøk.

Marit Karlsen Brandal kjem frå Brandal, der ho vaks opp i ein familie som hadde lange ishavstradisjonar. Oldefar til Marit, Peter S. Brandal, var den som utvikla den moderne selfangsten frå Sunnmøre frå 1898 av. Bestefar Martin og far Peter førde dei stolte tradisjonane vidare både med selfangst og arktiske tradisjonar.

I 1978 var Marit med Polarstar på selfangst ved Newfoundland. Marit jobba då som smørjar om bord, men måtte mønstra med tittelen «maskinpike», fordi ho var jente. Marit hadde alt då fått seg erfaring frå ekspedisjonar med Norsk Polarinstitutt til Svalbard mellom anna på isbjørnmerking, og alt i 1973 fekk ho masa seg til ein plass i mannskapet på Polarbjørn på ekspedisjonstur til Jan Mayen.

I 2017 kom Marit ut med boka Gråhuken, Fangst og ferie på 80 grader nord, og det er denne boka som dannar bakteppe for foredraget til Marit på Ishavsmuseet denne fredagen. I boka si tek Marit oss med på overvintringa og delar både skjemt og alvor med lesarane på ein fin måte.

Det var den kjende fangstmannen Hilmar Nøis som bygde hytta som Marit og Steinulf nytta seg av, i 1928.

Etter foredraget til Marit vert det som vanleg servert middag i museumskafeen, og denne gangen er det boknasild og mjølkesupe med godt tilbehøyr som står på menyen. Påmelding for middag.

|

Sesongopning søndag 15. april kl. 12.00

Film frå Newfoundland med Polarsirkel i 1978 kl. 15.00
Film frå Newfoundland med Polarsirkel i 1978 kl. 15.00

Velkomne til sesongopning på Ishavsmuseet søndag 15. april

Sosakjøt til middag og riskrem til dessert kl. 13-17.

Kl. 15.00 viser vi film frå selfangst ved Newfoundland frå 1978, bl.a. er vi med om bord i ishavsskuta Polarsirkel.

|

Polarkveld 16. mars med foredrag og middag:

b_rge_ousland.jpg

Børge Ousland - 30 år med polare ekspedisjoner

Fredag 16. mars kl. 19.00 får Ishavsmuseet besøk av Børge Ousland med foredraget «30 år med polare ekspedisjoner».
Med soloturer til både Nord og Sydpolen samt krysninger av både Arktis og Antarktis er Børge Ousland etablert som en av vår tids ledende polfarere.
I dette foredraget deler Børge Ousland høydepunktene fra sine banebrytende ekspedisjoner til Arktis og Antarktis de siste 30 årene. Etter å ha krysset både Nordpolen og Sydpolen alene, og seilt gjennom både nordøst og nordvestpassasjen, fulgt i Fridtjof Nansen og Hjalmar Johansens spor gjennom Frans Josef Land, -og gått på ski til Nordpolen vinterstid, har Børge vist hva som er mulig å få til med grundig planlegging, ekstrem vilje og evnen til å finne mot i tilsynelatende håpløse situasjoner.

Etter foredraget vert det servert 2 retters middag med steik av moskus med godt tilbehør, og heimelaga karamellpudding med kaffi. Påmelding for middag. Begrensa med plassar.
Billett foredrag kr. 150,- Foredrag og 2 retters middag kr. 400,-

|

ÅRSPROGRAM 2018

Ishavsmuseet Aarvak ynskjer velkomne til eit variert program på museet i 2018. Vi har eit godt og variert tilbod til både små og store utetter året. Fleire arrangement vil kome til.

Last ned programmet her:

program_2018.pdf
|

Julemesse på Ishavsmuseet

18 og 19. november.

Messa er laurdag ope kl. 11-17 Søndag 12-17

Årets julemesse har heile 54 utstillarar med salsstandar over 4 etasjar, og kring Aarvak, som byd på mykje spanande mat– og handtverksprodukt.

Sikre deg knalltøffe heimelaga julegåver og god julemat!

Sal av middag, smårettar, kaffi og kaker i museumskafeen.

Gratis inngang! Sjå full oversikt av alle utstillarane ved å klikke på lenka her:

program_messa_2017.pdf
|

Lutafisk-kveld

Fredag 3. november innviterar Ishavsmuseets Venner til lutafiskgilde og sosialt samvær på Ishavsmuseet kl. 19.00. Stor buffet med lutafisk og godt tilbehør. Påmelding til Ishavsmuseet.

|

Polarkveld fredag 13. oktober kl. 19.00
Eirik Raudes Land
I spora etter Hallvard Devold og Helge Ingstad

oddvar_svendsen.jpg

Oddvar Svendsen kjem til Ishavsmuseet med foredrag og film fredag 13. oktober kl. 19.00. Nordaust-Grønland var på 1900-talet eit viktig fangstterreng for norske og danske fangstfolk, her stod ein av Noregs arktiske vêrstasjonar, og her blei Eirik Raudes Land til då Hallvard Devold heiste det norske flagg og erklærte området for norsk i 1931. Helge Ingstad blei oppnemnt som sysselmann og i varetok norske interesser fram til Haag-domstolen i 1933 gav Danmark råderetten over heile Grønland.

I denne perioden var det mange fangstfolk frå Brandal, Sula, Hareid, Ålesund, ja heile Sunnmøre som reiste for å overvintre i små fangsthytter i dette terrenget. Peter S. Brandal freista jamvel å okkupere land litt lenger sør for der Devold heiste det norske flagg. Dette gjorde dei for å prøve sikre seg jaktrettar i terrenget som dei heilt i frå 1900 av besøkte for å komplettere selfangsten i danskestredet. Dei jakta både moskus og isbjørn, levande og daud, og dette var økonomisk viktig for dei.

75 år etter anneksjonen reiste historikar Oddvar Svendsen rundt i Nordaust-Grønland saman med okkupanten Devolds barnebarn, filmregissøren Leiv Igor Devold. Svendsens bok Eirik Raudes Land. I sporene etter Hallvard Devold og Helge Ingstad avdekker historiske hendingar i eit område som ein gong stod i sentrum for norske, polare interesser, og den bringe ny kunnskap om Hallvard Devold, økonomen som blei polar eventyrar og nasjonal helt i 1930-åra.

Oddvar Svendsen (f. 1959) er dr. art i historie frå UiT Norges arktiske universitet. Svendsen presentera boka si – ei fortelling om ei reise i tid og rom i Eirik Raudes Land slik det bestod av fangstfolk, eventyrarar og okkupantar. Svendsen viser også filmregissør Leiv Igor Devolds film «My Norwegian Grandfather». Det vert høve til å kjøpe boka.

Det vert middagsservering etter foredraget, og på menyen står sjølvsagt steik av moskus denne dagen. Påmelding ved middag.

|

Polarkveld på Ishavsmuseet 22. september kl. 19.00

«… en del av kongeriket Norge». Korleis Svalbard blei norsk.

arlov_fotokreditt_aa_hojemntnu_.jpg

Thor Bjørn Arlov gjestar Ishavsmuseet fredag 22. september kl. 19.00, og opnar ei ny runde av dei populære polarkveldane. Det er Svalbard som er tema på haustens første polarkveld.

Frå Barentsz si oppdaging av øygruppa i 1596 og fram til 1920 var Svalbard rekna som terra nullius — herrelaust land. Svalbardtraktaten gav Noreg suvereniteten i 1920 og fem år seinare blei traktaten sett i kraft; Svalbard blei «en del av kongeriket Norge», som det står i lova. Det var ikkje sjølvsagt at Noreg skulle få herredøme over øygruppa. Før 1. verdskrig var det nyttelause internasjonale diplomatiske forhandlingar om «Spitsbergen-saka», som ho blei kalla. I samband med fredskonferansen i Paris kravde den norske regjeringa suvereniteten over Svalbard, og slik blei det altså. Kvifor var dét mogleg i 1920 som var håplaust berre fem år tidlegare?

Dette føredraget skildrar Svalbard si politiske historie og prosessen som førte fram til Svalbardtraktaten av 9. februar 1920 og norsk overtaking 14. august 1925. Han drøftar òg i kor stor mon traktaten sett grenser for norsk styre på øygruppa og korleis dette styret har utvikla seg fram mot våre dagar.

Thor Bjørn Arlov er seniorrådgjevar ved NTNU og førsteamanuensis i historie ved Universitetssenteret på Svalbard, UNIS. Han har gjeve ut ei rekkje bøker og artiklar om arktisk historie, blant andre «Svalbards historie» (2003) og «Den rette mann — historien om Sysselmannen på Svalbard» (2013).

Etter føredraget til Arlov vert det i kjent stil servert middag på museet. Denne gong er det klippfisk med godt tilbehøyr som står på menyen. Påmelding for middag.

|
brobakk002_nf_polarstar_1976.jpg

Polarstar kjem heim!

Laurdag 26. august kjem Polarstar heim etter fleire år med restaurering i Polen.

Ishavsmuseet markerar den store hendinga med variert program frå fredag 25. til søndag 27. august. Meir program kjem.

|
polarstar_-_docking_operation_19_.jpg

Restaureringa av Polarstar, 1. mai kl. 15.00

Noregs første selfangar i stål, den segnomsuste Polarstar, gjekk i desember 2013 til Polen for restaurering. Den 26. august i år kjem skuta heim til Brandal etter snart fire år med iherdig restaurering i Stettin. Det er eit ufatteleg arbeid som har vore gjennomført der i desse åra. Alt i nært samarbeid med Riksantikvaren. Polarstar, denne ishavets kvite og spreke dame, har nett vore i dokk for behandling under vasslinja. Om bord i skuta går arbeidet stadig framover, og ein byrjar så smått og sjå i ein ende på arbeidet. Kva som har vore gjort om bord, og kor omfattande dette arbeidet vart, kan du få sjå og høyre meir om på Ishavsmuseet måndag 1. mai då eigar og ansvarleg for restaureringa av Polarstar kjem til museet for å fortelje og syne bilete frå denne restaureringa. Ishavsmuseet kl. 15.00

I museumskafeen vert det servert middag, og sjølvsagt er det selkjøt på menyen. Selkjøtgryte vert servert kl. 13-17. Vel møtt.

|
1234Neste

 

Opningstider

April, Mai, September og Oktober
Frå 15. april kvar dag 12:00 – 16:00
t.o.m. søndag 22. okt.

Juni, Juli & August
Kvar dag 11:00 – 17:00
Inngong Vaksne Kr. 75 / Born Kr. 35


Kontaktinformasjon

Adresse
ISHAVSMUSEET AARVAK
6062 Brandal

Kontakt
Tlf. kontor 70 09 29 00 
Tlf. resepsjon 70 09 20 04
Mob. 951 17 644
post@ishavsmuseet.no

 

Design: Osberget ASPowered by: Osberget CMS