Det politiske spelet om Svalbard

Ny Polarkveld på Ishavsmuseet

Det politiske spelet om Svalbard

Fredag 21. november kl. 19.00 kjem Svalbardveteranen Birger Amundsen til Ishavsmuseet med foredrag om det politiske spelet om Svalbard.

Russland har alltid sett Svalbard, som ligg nord i Ishavet, som ein mogleg trussel mot basane på Kolahalvøya. Derfor fanst det ein hemmeleg militær plan om å ta kontroll over øygruppa i tilfelle krig med Vesten.
Etter invasjonen av Ukraina i 2022 har russarane igjen fått augene opp for Svalbards strategiske betydning. I foredraget vert du teken med inn i det politiske spelet om Svalbard etter andre verdskrig fram til i dag. Du møter spionar og avhopparar, konsuler og KGB-agentar, ambassadørar og gruvearbeidarar. Amundsen avslører også dei sovjetrussiske planane under den kalde krigen om å okkupere Svalbard ved bruk av sovjetiske gruvearbeidarar.
Spørsmålet som vert stilt i dag er om Vladimir Putin tør å ta kontroll over Svalbard ved å okkupere flyplassen utanfor Longyearbyen.

Birger Amundsen (f. 1948) har vore tilknytt Svalbard i femti år som ingeniør, journalist, redaktør, fotograf og forfattar. Ved sidan av sine mange år boset i Ny-Ålesund og Longyearbyen har han deltatt i ei rekke vitskapelege, historiske og filmatiske ekspedisjonar over heile øyriket. I tillegg til at han har utgitt ei rekke bøker om Svalbard, produsert ei serie filmar og vore redaktør av Svalbardposten i ni år (2005–2013).

Etter foredraget til Amundsen vert det servert ishavsrøye med godt tilbehøyr i museumskafeen. Påmelding for middag.