Polaric

Hadde planlagt å gå i Kvitsjøen 1947, men fekk ikkje leidebrev av russerane. Gjekk derfor i Austisen i staden. Ut på sommaren er den i Stretet, og under håkjerringsfiske vert propellen slått av av ein isfot. Dei hadde med reservepropell og aksling og lukkast med å skifte begge.

Var til Svalbard, Longyarbyen og Ny-Ålesund, med forsyningar frå Noreg i august 1941. Ved evakueringa av Svalbard i september 1941 evakuerte «Polaric» folket i Ny-Ålesund og brakte dei til Longyearbyen. Gjekk med prisemannskap om bord i konvoi frå Svalbard til Island i september 1941. Var i Reykjavik som bergingsfartøy til krigen var slutt. Skuta hadde då britiske offiserar ombord og oppdraget var stort sett å vere reperasjonsskip for den britiske marine.

Beste båt på storsilda i 1952.

Siste tur på selfangst i 1978 i Austisen.

Frå 1974 også brukt på rekefiske og loddefiske.

Under rekefiske i 1981, på veg frå Longyearbyen til Kaldfjord 28. oktober, gjekk den på grunn med god fart på Lågneset, men dei kom seg av med eiga hjelp. Det såg ut som det hadde gått bra med skuta, men ut på dagen 29. oktober byrja den å leke. Treverket og baugklavane hadde fått skade i grunnstøytinga og opna seg i grov sjø. «Polaric» er på høgde med Bjørnøya og varslar redningsskøyta. 125 nm frå Torsvåg møttes dei og går i land i lag. «Polaric» vert ikkje reparert ette rdette, og vert kondemnert i 1983.

Gratangen museum prøvde å bevare skuta, men måtte til slutt gje opp, og skuta vart nedrigga og senka i Astafjorden i Troms 1994.