Brattind
| Andre namn | August Jakobsen |
| Eigar | Ludolf Schelderup, Skånland 1938 A/S Småfangst (Arne Austad) 1940 Die Deutsche Wehrmacht 1951 Erling Corn. Pettersen P/R, Tromsø |
| Fartytype | Selfangar |
| Reg. merke | T 106 T T 78 TD |
| Heimehamn | Tromsø |
| Byggeverft | Strandebarm |
| Byggeår | 1891 |
| Byggematerial | Tre |
| Mål i lengde, byggeår | 66,1 fot |
| Mål i lengde etter ombygging | 82 fot |
| Mål i breidde, byggeår | 19,2 fot |
| Mål i djupne, byggeår | 7,9 fot |
| Tonnasje | 49,8 brt 56,4 brt 88 brt etter ombygg |
| Maskin, ny | 1951 motor 100 hk |
| Skipperar | P. Andreassen (1939) Rolf Richardsen, Kalfjord (1952) (Anders Hansen var fangstleiar) |
| Ombyggingar Verft | 1951 Danielsens Verft, Finnsnes. Forlengd, forsterka, rana baug |
| Forlist | Forliste i Vestisen 4. april 1952 med 14 mann om bord. |
| Utfyllande opplysningar | M/S ”Brattind” vart bygd i tre i 1891. Etter målebrevet hadde skuta måla 66,1 fot lang, 19,2 fot brei, og 7,9 fot djup. Den målte vidare 49,84 brutto registertonn. Ludolf Schelderup hadde skuta, som då bar namnet ”August Jakobsen”, fram til 1938. No vart skuta seld til A/S Småfangst for kr. 10.000,- Salet var datert den 19.03.1938, men vart ikkje innført i registerboka før den 08.11.38. Skuta dreiv med selfangst alle desse åra, fram til 2. verdskrig, då skuta som så mange andre vart seld eller tatt i prise. Skuta vart seld til tyskerane den 07.10.40. Den vart sletta av registeret den 10. januar 1946, og meddelelse sendt til tollkasserar og Sjøfartsdepartementet. I 1951 tek Erling Corn Pettersen med fleire over M/S ”August Jakobsen” frå fientleg eigendom. Pettersen får skuta ombygd og forsterka på Danielsen slipp og båtbyggeri på Finnsnes. Skuta vart forlengd, og fekk utfallande stevn. Brt. vart auka til 88,08 og maskinen var no på 100 hk. Denne registreringa vart gjort 6. mars 1952. Den 4/5. april 1952 forliser ”Brattind” i Vesterisen i lag med fire andre skuter i eit forrykande uver. Heile mannskapet kom vekk. 5 skuter med 78 mann var sporlaust forsvunne i uveret. Dei som kom vekk med «Brattind» var: Skipper Rolf N. Richardsen Lenvik 32 år Fangstleiar Anders H. Hansen Tromsøysund 55 1.skyttar Asbjørn E. Eliassen Tromsøysund 31 2.skyttar Arne F. Robertsen Tromsøysund 31 Maskinist Harald Jensen Tromsøysund 28 Assistent Arvid N. Nilsen Balsfjord 24 Kokk Søren M. Pettersen Lenvik 36 Fangstmann Alf J. Pettersen Tromsøysund 42 Fangstmann Rudolf A. Johansen Tromsøysund 27 Fangstmann Hagbart M. Toften Tromsøysund 31 Fangstmann Rudolf Nilsen Balsfjord 17 Fangstmann Roar H. Christensen Tromsøysund 35 Fangstmann Harald B. Thorsteinsen Tromsø 49 Fangstmann Thorleif H. J. Foss Tromsø 32 |
