Kap Nora

Andre namnSkumur (1916)
Eigar1916 A/S Skumur, Bergen, v/Wiking Brækhus, Pjetur J. Thorsteinsson og Sigurd A. Brækhus
22. juli 1918 J. Haugland, Ålesund/Bergen
24. juli 1918 A.C. Normann, Ålesund for kr. 100.000
FartytypeSelfangar
Reg. merkeM 138 A
HeimehamnBergen - Ålesund
ByggeverftO.M. Karlsen & Co, Florvåg
Byggeår1916
ByggematerialTre
Mål i lengde, byggeår92,3 fot
Mål i breidde, byggeår22,3 fot
Mål i djupne, byggeår9,6 fot
Tonnasje107,66 brt
Maskin, orginaltBergens MV 2 syl. comp 105 hk
SkipperarA. Riste (1919-1920)
Peder Andresen (1922)
Tidlegare namn"Skumur"
ForlistForliste i Danskestredet 12. juli 1922
Utfyllande opplysningar

10. juli 1922 hadde “Kap Nora” fangsta 300 sel i Danskestredet. Dei hadde også 140 tønner spekk ombord. Men så måtte dei bryte av fangsten då vinden auka på frå austleg retning utover dagen. Dei prøvar å kome seg lenger inn i isen, men greier ikkje dette då isen set saman og pressakraftig på. Vinden aukar på til storm, og dønningen kjem att i veia. Skuta får no hard medfart av isen som kjem deisande på dønningen, og mannskapet finn det best å ta med utstyr og proviant og gjere klare fangstbåtane. Ein is vrir rorstamma 45 grader til babord.

I skodda kunne dei skimte iskanten og dei vel å gå i båtane for å prøve ta seg ut der sidan dei er sikre på at “Kap Nora” ikkje kan bergast. Dei dreg båtane over isen, men når kvelden kjem må dei forlate båtane og springe unna iskanten som nærmar seg frå ei anna retning. Då dønningen minkar av satsa mannskapet på å kome seg ombord i “Kap Nora” igjen. Skuta låg i le av ein isodde. Skuta hadde fått slege inn styrbord side og roret var vridd kraftig til styrbord.

Straks dei kom seg ombord, natt til 11. juli, byrja dei å lense skuta med bøtter og dekkspumpe.

I middagstida var dei nokså utmatta, men dei hadde greidd å få lensa så mykje at vatnet no var under maskinrista. Dei gjekk i gong med å fyre opp under kjelen, og etter å ha fått opp stimen kunne også donkeypumpa settast i gang. Roret vert også ordna og forsiktig sette dei kursen mot ope hav natt til 12. juli. Medan dei på morgonen gjekk austover langs iskanten møtte dei på “Sælbarden” og “Kap Flora”. I den tilstanden som skuta deira var i, ville ikkje mannskapet på “Kap Nora” gå åleine til Island. Dei to andre skutene ville ikkje bryte av for å assistere dei over. Det var ikkje anna råd enn å forlate skuta. Mannskapet på “Kap Nora” hadde no gått omlag 60 timar utan søvn, og dei fekk no gå til køys på bergingsbåtane, medan mannskpa på “Sælbarden” og “Kap Flora” prøvde å berge mest mogleg av utstyr og last frå “Kap Nora”.

“Kap Nora” sokk 13. juli kl. 02. Mannskapet som var komne ombord i “Sælbarden” og “Kap Flora” vart sette på land på Island og kom heim via København.

LitteraturOdd Vollan: Ishavsfart Johan Ottesen: Ishavsskuter II Ishavsmuseets arkiv