Torsdag 1. mai stod Hareidsordførar Anders Riise for sesongopninga av Ishavsmuseet Aarvak. Nytt av året er mellom anna ein ny båthall, med bord frå ein sunnmørsk ottring på veggen, og ei heilt ny 4. etasje.
Ishavsmuseet opnar for ny sesong torsdag 1. mai. I år byr vi på mykje nytt, deriblant 200 kvadrat nye utstillingsrom. Museet er denne dagen ope 12-17, med foredrag og høgtidssam opning kl. 14.00.
Enorm interesse for polarkvelden med ishavsskuta «Polarbjørn». Dei 180 frammøtte under polarkvelden på Ishavsmuseet fredag fekk med seg to historiske filmar. Opptaka til filmen om bygginga av «Polarbjørn» vart gjort under heile byggeprosessen og syner eit vanvettig arbeid med svære dimensjonar på tømmeret, utan moderne løfteanordningar. Det gjekk med godt å vel 80.000 arbeidstimar til å bygge «Polarbjørn».
I ei banebrytande vestnorsk filmsatsing har brørne Are og Sturla Pilskog i samarbeid med Ishavsmuseet Aarvak laga kortfilmen Ishavshanda, ein kunstfilm som utforskar korleis ver, vind og hardt arbeid formar hendene våre. I tillegg til å gå tett på hendene til fleire tidlegare fangstmenn, har dei to filma drivisen frå isbrytar og helikopter. Dette er ei poetisk og vakker reise inn i eit ”handskap” som har vore spesielt for Sunnmøre og resultatet kan du altso sjå den 25 april kl. 20.00 på Ishavsmuseet.
Etter filmen vert det servert middag, selkjøtgryte og kvelden vert avslutta med konsert med Gabriel Fliflet og Jorunn Marie Kvernberg. Det er begrensa med plass på middag og konsert, så påmelding til Ishavsmuseet i god tid kan vere lurt. Billett filmpremiære kr. 50,- Film, middag og konsert kr. 300,- Påmelding tlf 700 92 004 – webjorn@ishavsmuseet.no
Det er no utsolgt for billettar på middagsserveringa etter foredraget. Polarkveld på Ishavsmuseet 21. mars kl. 19.00 Ishavsskuta «Polarbjørn» (II) bygging og forlis.
145 frammøtte fekk med seg eit foredrag fullt av dramatikk når Tormod Jensen vitja Ishavsmuseet fredag 21. februar.
Hinlopenstredet, Svalbard, 19. juli 1958. Klokka har passert fem om morgonen. Tormod Jensen frå Tromsø, 16 år dette året, har nattevakt om bord på ishavsskuta «Forland». Det er mykje stor is rundt skuta.
Tormod var skuleelev, men om somrane har han teke sommarjobb på Ishavet. Sjølv om Tormod er ung, er det allereie hans andre ishavstur. Seinare skulle det verte 22 turar på ishavet, sommar og vinterfangst. 19. juli 1958 forliste ishavsskuta M/K «Forland» sør for Edgeøya på Svalbard. I tre veker kjempa mannskapet for livet.
Trygve Brandal trekte nær fullt hus då han kom heim til sine eigne i ishavsbygda 31. januar. Med seg hadde han føredraget «Den første moderne fiskeflåten. Skøytetida i Hareid og Ulstein 1800-1900.»
Ishavsskuta Forlands forlis og berging ved Svalbard i 1958. 19. juli 1958 forliste ishavsskuta M/K «Forland» sør for Edgeøya på Svalbard. I tre veker kjempa mannskapet for livet. Høyr historia frå ein av dei som var om bord!
Trygve Brandal vert årets første foredragshaldar i ei rekkje på 4 polarkveldar våren 2014.
Isflaket nr. 4-2013 er kome ut, og alle som abonerer på dette bør ha det i posten før julekvelden ringer inn. Er du ikkje medlem kan du melde deg og få dette nummeret + heile 2014 for kr. 250,- send ein mail til webjorn@ishavsmuseet.no
Det har vore stor pågang med utstillarar i år, og no gler vi oss stort til messa i helga.
Den populære julemessa ved Ishavsmuseet vert i år arrangert 16. og 17. november. Pr. i dag er 37 utstillarar påmelde med standar.
Fredag 1. november kl. 19.00 inviterer Ishavsmuseets Venner på lutafisk og sosialt samvær på museet.
Dei skulle fange rev, men enda med å jakte på kvarandre. Onsdag 16. oktober kl. 19.00 er det igjen klart for polarkveld ved Ishavsmuseet. Tradisjon tru er denne kvelden fast onsdagen kvart år i Hareidsstemna. I år er tema for denne populære polarkvelden henta frå ishavsøya Jan Mayen.
Søndag 8.september byd Ishavsmuseet inn til familiesøndag. I Aarvakhuset vert det fleire aktivitetar for dei minste der dei mellom anna får prøve seg som modell-båtbyggjar, og delta i teiknekonkurranse m.m. Det vert også høve til å møte Christian Wiik Gjerde som tek del kl 15.00, i konferansesalen.
Ernest Mansfield – en av «klondike-tidens» store personligheter på Svalbard på evig jakt etter gull.
Fredag 20. september kl. 19.00 får Ishavsmuseet besøk av Susan Barr som altså vil halde foredrag om Ernest Mansfield.
Ishavsmuseet og kyrkja i Hareid ynskjer velkomne til søndagsgudsteneste om bord i ishavsskuta Aarvak i Brandal.
Det var fullt hus på Ishavsmuseet Aarvak 1. mai.
I tillegg til at museet opna for sesongen, var det også duka for storslått opning av den nye utstillinga på museet, andre og siste del av Ragnar Thorseth si utstilling «Levd Liv».
Mens folket fann vegen til utstillinga, spelte Musikklaget Melshorn flott korpsmusikk som ein forsmak på ein høgtidssam opningsseremoni. Barbro Østrem, på vegne av Ishavsmuseet, ønskte alle frammøtte velkomen til den store dagen. Ho fortel at museet har stadig fornyingar, og at denne avsluttande delen på «Levd Liv» er eit verdig punktum for Ragnar Thorseth si fantastiske historie og hans ekspedisjonar. Det er ikkje små bragder han har gjennomført, og det vert presentert på ein fin og profesjonell måte i utstillinga.
NB: Ny dato: Foredraget med Jarle Andhøy onsdag 4. september er no utsolgt. Vi gler oss over den store interessa til arrangementet.
Onsdag 4. september gjestar eventyrar og ekspedisjonsleiar Jarle Andhøy Ishavsmuseet Aarvak i Brandal med foredrag.
Jarle Andhøy er ein godt kjent seilar og eventyrar med mange ekspedisjonar bak seg. Andhøy kjem frå Larvik. Allereie som 19-åring reiste han ut i verda med ein 27 fots Albin Vega. Seinare har det blitt mange ekspedisjonar både til havs og til lands og fleire bøker og tv-seriar om disse. Sist no i vår med tv-serien «Tangeruddampen».