Ein 100-åring må sjølvsagt feirast, og ishavsskuta Aarvak er ikkje noko unntak! Hovudfeiringa for 100-årsjubileet er lagt til komande helg, og sjølve Aarvak-kvelden er lagt til fredag 31. august kl. 19.00, med 150 inviterte mannskapsmedlemar, alle har vore mannskap på skuta i tida 1945-1968.
Søndag 2.september vert det høve til å prøve seg som båtbyggjar, øve deg på skipsknutar, det vert hakapik-kasting og teiknekonkurranse m.m. I høve hundreårsjubileet til Aarvak inviterer Ishavsmuseet til familiesøndag, med fleire spanande aktivitetar. Det vert også høve til å møte Maria Parr, som skal ha forteljarstund ved museet.
Fredag 31. august klappar KNM Hitra til kai ved Ishavsmuseet, og både laurdag og søndag kan folk gå om bord i «Shetlandsbussen».
Styrar Webjørn Landmark fortel at Ishavsmuseet har hatt samarbeid med Forsvarsmuseet.
Men marinen og ishavsnæringa har hatt mykje samarbeid gjennom generasjoner. Marinen har også vore aktiv i mange polarekspedisjonar heilt tilbake til Amundsen si tid.
Trekkspelet vert kalla ishavets instrument, og det er ikkje utan grunn. Trekkspelet har i alle år vore med på ishavet til hyggeleg avkopling til trøtte menn på stille dagar. For ikkje å snakke om når skutene vart liggande faste i isen i kanskje veke etter veke. Laurdag 16. juni kan du få oppleve tonane frå trekkspelet i sitt rette element, på det historiske dekket til ishavsskuta Aarvak.
Torsdag 24. mai stig kronprins Haakon og kronprinsesse Mette-Marit i land frå Kongeskipet for å vitje Hareid og Brandal.
1. mai opnar vi dørene for en ny sommarsesong på Ishavsmuseet. Frå denne dagen er museet ope alle dager. Denne dagen vert det familiedag med filmframsyning og eventyrstund for dei minste.
Fredag 20. april er det duka for ny polarkveld på Ishavsmuseet. Denne gang er temaet millionøsa Miss Louise Arner Boyd og ishavsskuta «Veslekari» som står i fokus.
Martin Karlsen, the ISHAVSMUSEET AARVAK’s ambassador in Halifax, Nova Scotia brings flowers and thanks to our new friends at the CANADIAN MUSEUM OF IMMIGRATION AT PIER 21, Halifax , Marie Chapman, CEO, Carrie-Ann Smith, Chief of Audience Engagement, Martin Karlsen and Fiona Valverde, Director, Marketing, Communications and Development.
I midten av mars månad var det vanleg for skutene som skulle i Vesterisen på fangst å ruste ut for tur. Denne klargjeringa tok ofte rundt ei veke. Alt av utstyr skulle finnast fram og berast om bord. Utstyret skulle sjåast over og gjerast klart. Sidan siste ishavstur hadde skutene hatt anna aktivitet som sildefiske. Spekktankar, bunkers og proviant måtte på plass. Eit omfattande arbeid, og eit yrande liv på kaiene med så mange skuter som skulle av garde. Ungane klatra i riggen og hadde store forventningar til at deira tur skulle kome. Gamlekarane fann seg stadig ærend ned på kaiene for og sjå til at alt var som det skulle. Stuerten hadde si fulle hyre med å koke kaffi, i tillegg til og sjå til at alt av proviant kom om bord og på rett plass.
Kvelden før avreise var det som oftast «avseilarfest».
Fredag 23. mars frå kl. 19.00 vert det igjen ein «avseilar» i Brandal. Ishavsmuseet byd inn til avseilar-kveld med ishavspresten Monrad Norderval som tema.
Fredag kveld var det duka for Tjørvåg-kveld på Ishavsmuseet Aarvak. Med føredraget ”Ein gong ei ishavsbygd”, om Tjørvåg, trekte Jarl Grimstad og Arnfinn John Klungsøyr Karlsen fullt hus.
Med eit frammøte på over 150 personar frå heile Sunnmøre, var det 75 av desse som nytta moglegheita for å få seg ein retteleg ishavsmiddag, Selkjøttgryte etter føredraget. Skal ein tru stemninga rundt bordet var også dette ein fulltreffar for Ishavsmuseet, som er i vinden som aldri før.
Onsdag 14 mars er det premiere på dokumentarfilmen Ishavskjerringa på Ishavsmuseet Aarvak.
For første gong på film fortel kvinnene som venta heime mens mennene deira var på fangst i ishavet si historie.
Dokumentarfilmen blir vist på Ishavsmuseet Aarvak i Brandal onsdag 14. mars klokka 19:00. Regissørane og to av dei medverkande vil vere til stede, og etter framsyninga vil det vere mulig å kjøpe filmen på DVD.
Filmen varer 27 min.
Onsdag 25. januar var omlag 70 frammøtte samla på undervisningssalen ved Ishavsmuseet i anledning årets første polarkveld, og det som i følgje styreleiaren i museet, Willy Nesset, startskotet på eit aktivt år ved museet.
Året vart starta med direktør ved Frammuseet, Geir O. Kløver, som hadde teke turen til ishavsbygda for å halde foredrag om Roald Amundsen og sydpolekspedisjonen.
Under ein svært vellykka polarkveld på Ishavsmuseet 25. januar, som markerte starten på eit svært aktivt museumsår 2012, vart det signert ein samarbeidsavtale mellom Frammuseet i Oslo og Ishavsmuseet på Brandal.
Onsdag 25. januar kl. 19.00. Direktør ved Frammuseet, Geir Kløver, opnar eit rikt museums år i Brandal. Ishavsmuseet vil gjennom heile 2012 ha stort fokus på formidling av polarhistorie, og legg opp til mange spanande arrangement utover året.
Første foredragsholdar onsdag 25. januar vert altså Geir Kløver som er direktør ved Frammuseet i Oslo. Kløver er ekspert på Nansen/Amundsen og dei store polarferder. Han har hatt eit svært så travelt år i høve jubileet i 2011, og reist \»verda rundt\» med foredrag og arrangement. 17. januar var Kløver ved polarinstituttet på ærverdige Cambridge University, eit institutt som er kalla opp etter Robert F. Scott, og markerte 100-årsdagen for at Scott nådde Sydpolen.
Kløver er ein svært ettertrakta og dyktig foredragshaldar. Onsdag kveld gjestar han Ishavsmuseet med foredraget: Roald Amundsen og sydpolekspedisjonen gjennom mannskapets dagbøker. Foredraget omhandlar Roald Amundsens sydpolekspedisjon, krydra med Amundsens eigne foredrags bilde, samt mannskapets private dagbøker og fotoalbum.